طفشان مرة لبى البوح بسكاته
لبى عيونه .. لبى قلبه البحري
لباه لا قلت له هات الطفش هاته
لاعاش لاكان من طفشك ياعمري
راق وتبسم و رقت لي عباراته
شال المواويل وغنى من دفا شعري
لبى حبيبي ليا خبا انفعالاته
لباه لا قلت : احبك موت
قال : ادري !
لبى ضياعي .. ذبولي وانكساراته
لا غاب عني وفقده سارق صبري
لبى وعوده .. عهوده وانشغالاته
لبى عبوره عروقي يسبح ويجري
يفداه حاسده الين اسرج خيالاته
واشعل جنونه يحسبه شاغل فكري
سرى شياطين مكره في مهماته
والفت نيازك صدودي مطلع الفجري
لبى حبيبي ليا صنفت كلماته
هذي بدمي و هذي بيتها صدري
يفداه جيش الكواكب مع مجراته
يفداه طابور عشاق الهوى العذري
يفداه إرث الشعر ويا حضاراته
تفداه نفسي ودمعي كلما يطري
للأمانه/ منقول لكنه يستحق النشر ( الشاعر غير واضح )
